E20 எரிபொருளைப் பயன்படுத்துவதால் BS3 வகை வாகனங்களின் சில பாகங்களை மாற்ற வேண்டியிருக்கும் என்று மத்திய அமைச்சர் நிதின் கட்கரி நாடாளுமன்றத்தில் தெரிவித்துள்ளார். இருப்பினும், இது பெரிய பாதிப்பை ஏற்படுத்தாது என்று அவர் கூறினார்.
நாடு முழுவதும் எத்தனால் கலந்த E20 பெட்ரோல் குறித்த விவாதங்கள் எழுந்துள்ளன. இது குறித்து மாநிலங்களவையில் பதிலளித்த மத்திய அமைச்சர் நிதின் கட்கரி, BS3 தரத்திலான வாகனங்களில் சில ரப்பர் பாகங்கள் மற்றும் கேஸ்கெட்டுகளை மாற்ற வேண்டியிருக்கலாம் என்று தெரிவித்துள்ளார். குறிப்பாக 2005 முதல் 2016 வரை தயாரிக்கப்பட்ட வாகனங்களில் இந்த மாற்றம் தேவைப்படலாம்.
இந்தியன் ஆயில் மற்றும் பிற ஆராய்ச்சி நிறுவனங்களின் ஆய்வின்படி, E20 எரிபொருளால் வாகனங்களின் மைலேஜ் அல்லது இன்ஜின் செயல்திறனில் பெரிய பாதிப்பு எதுவும் ஏற்படாது என்று உறுதி செய்யப்பட்டுள்ளது. உலோகங்கள் அல்லது பிளாஸ்டிக் பாகங்களில் எந்த பாதிப்பும் இல்லை என்றும், வழக்கமான சர்வீசிங் மூலம் இந்த சிறிய மாற்றங்களை எளிதாகச் செய்துவிடலாம் என்றும் அரசு விளக்கியுள்ளது.
