மேன்கைண்ட் பார்மாவின் நிறுவனர் ரமேஷ் ஜுங்கேஜா தனது 71-வது பிறந்தநாளைக் கொண்டாடுகிறார். ஒரு சாதாரண மருத்துவ பிரதிநிதியாக (MR) தனது வாழ்க்கையைத் தொடங்கிய அவர், இன்று ஒரு லட்சம் கோடி ரூபாய்க்கும் அதிகமான மதிப்புள்ள நிறுவனத்தை உருவாக்கியுள்ளார் என்பது வியப்பிற்குரியது. மேன்கைண்ட் பார்மா தற்போது இந்தியாவின் நான்காவது பெரிய மருந்து நிறுவனமாகத் திகழ்கிறது.

1970-களில் மருந்து விற்பனைக்காகப் பேருந்துகளில் நீண்ட தூரம் பயணம் செய்த அவர், ஒரு ஏழை நோயாளி தனது நகைகளை அடகு வைத்து மருந்து வாங்குவதைக் கண்டு மனமுடைந்து போனார். சாமானிய மக்களும் எளிதில் வாங்கக்கூடிய விலையில் மருந்துகளை வழங்க வேண்டும் என்ற உறுதியுடன் 1994-ல் தனது சகோதரருடன் இணைந்து மேன்கைண்ட் பார்மாவைத் தொடங்கினார்.

குறைந்த விலை மற்றும் சிறந்த சந்தைப்படுத்தல் உத்திகளால் நிறுவனம் மிகப்பெரிய வளர்ச்சியை அடைந்தது. தற்போது மேன்கைண்ட் நிறுவனத்தின் சந்தை மதிப்பு 1.06 லட்சம் கோடி ரூபாயைத் தாண்டியுள்ளது. மேன்ஃபோர்ஸ் மற்றும் பிரெகா நியூஸ் போன்ற தயாரிப்புகள் இன்றும் சந்தையில் பெரும் வரவேற்பைப் பெற்றுள்ளன.