2016-ஆம் ஆண்டுக்கு முன்னதாக தயாரிக்கப்பட்ட கார்களில் E-20 பெட்ரோலைப் பயன்படுத்தினால் பாதிப்புகள் ஏற்படும் என்று அரசு தெரிவித்துள்ளது. சில ரப்பர் பாகங்களை மாற்ற வேண்டியிருக்கலாம் என்று மத்திய அமைச்சர் நிதின் கட்கரி ராஜ்யசபாவில் கூறியுள்ளார்.
2016-ஆம் ஆண்டுக்கு முன்னதாக தயாரிக்கப்பட்ட வாகனங்களில் E-20 பெட்ரோலைப் பயன்படுத்துவது இன்ஜின் மற்றும் இதர பாகங்களுக்குப் பாதிப்பை ஏற்படுத்தக்கூடும் என்று மத்திய அமைச்சர் நிதின் கட்கரி தெரிவித்துள்ளார். குறிப்பாக, இந்த எரிபொருளால் சில ரப்பர் பாகங்கள் சேதமடைய வாய்ப்புள்ளதால் அவற்றை மாற்ற வேண்டியிருக்கலாம் என்று அவர் குறிப்பிட்டுள்ளார்.
இருப்பினும், இந்த E-20 எரிபொருள் விவசாயிகளுக்கும் நாட்டின் பொருளாதாரத்திற்கும் பெரும் பலனைத் தரும் என்று அரசு தரப்பில் கூறப்படுகிறது. பழைய வாகன உரிமையாளர்கள் தங்கள் வாகனங்களின் தகுதியைச் சரிபார்ப்பது அவசியமாகும்.
