அரசு தனது பங்குகளை குறைந்த விலையில் விற்பனை செய்ய முடிவெடுத்ததால், LIC பங்குகள் இன்று 9% சரிவைச் சந்தித்துள்ளன. இந்த OFS விற்பனை முதலீட்டாளர்களிடையே பெரும் பதற்றத்தை ஏற்படுத்தியுள்ளது.
நாட்டின் மிகப்பெரிய காப்பீட்டு நிறுவனமான LIC-யின் பங்குகள் செவ்வாய்க்கிழமை வர்த்தகம் தொடங்கியவுடன் கடும் சரிவைச் சந்தித்தன. அதிகப்படியான விற்பனையால் LIC பங்குகள் சுமார் 9% வீழ்ச்சியடைந்தன. அரசு தனது பங்குகளை தற்போதைய சந்தை விலையை விட மிகக் குறைந்த விலையில் விற்பனை செய்யத் திட்டமிட்ட செய்திதான் இந்த வீழ்ச்சிக்கு முக்கிய காரணமாகும்.
அரசு LIC-யில் உள்ள 6.5% பங்குகளை விற்பனை செய்யத் தயாராக உள்ளது. OFS மூலம் முதலில் 2% பங்குகளை விற்பனை செய்யத் திட்டமிட்டுள்ளது. அரசாங்கம் நிர்ணயித்துள்ள குறைந்தபட்ச விலை ஒரு பங்கிற்கு 382 ரூபாயாகும், இது திங்கள்கிழமை சந்தை விலையை விட சுமார் 11% குறைவு என்பதால் முதலீட்டாளர்கள் மத்தியில் அதிருப்தி ஏற்பட்டுள்ளது.
