மறுவிற்பனை சந்தையில் அதிக லாபம் ஈட்டுவதற்காகப் புதிய போகிமான் கார்டுகளை மொத்தமாக வாங்கும் ஸ்கால்ப்பர்களைத் தடுக்க டார்கெட் நிறுவனம் ஒரு புதிய உத்தியைப் பின்பற்றி வருகிறது. கடைகளில் பணிபுரிபவர்கள் கார்டு பெட்டிகளின் பிளாஸ்டிக் உறையை முழுமையாக அகற்றுவதாகவும், ஆன்லைனில் ஆர்டர் செய்யும் போது கட் செய்யப்பட்ட பெட்டிகள் வருவதாகவும் ரசிகர்கள் தெரிவித்துள்ளனர்.

டார்கெட் நிறுவனம் இது குறித்து அதிகாரப்பூர்வமாக கருத்து தெரிவிக்கவில்லை என்றாலும், இது ஸ்கால்ப்பர்களைத் தடுத்து நிறுத்தவே செய்யப்படுகிறது என்று ரசிகர்கள் நம்புகின்றனர். பேக்கேஜிங் அகற்றப்பட்டாலும் கார்டுகளின் தரம் மாறாது, ஆனால் மறுவிற்பனை செய்யும்போது அதன் மதிப்பு குறையக்கூடும், ஏனெனில் பெட்டி ஏற்கனவே திறக்கப்பட்டிருக்கலாம் என்ற சந்தேகம் எழும்.

இந்த முடிவுக்குப் பல ரசிகர்கள் ஆதரவு தெரிவித்தும், சிலர் இது கார்டுகளின் சேதத்திற்கும் அல்லது விலையேற்றத்திற்கும் வழிவகுக்கும் என்று கவலை தெரிவிக்கின்றனர். போகிமான் கார்டுகளின் அதீதத் தேவை மற்றும் அவற்றின் மதிப்பு காரணமாக ஸ்கால்ப்பர்கள் மற்றும் திருடர்களின் அட்டாக் அதிகரித்து வரும் சூழலில் இந்த நடவடிக்கை எடுக்கப்பட்டுள்ளது.