ரஷ்யாவிலிருந்து எண்ணெய் இறக்குமதி செய்யும் நாடுகளுக்கு 100% வரி விதிக்க அமெரிக்க செனட் தீர்மானித்துள்ளது. இதை எதிர்கொள்ள இந்தியா மாற்று வழிகளைத் திட்டமிட்டுள்ளது.
இந்தியா தற்போது தனது மொத்த கச்சா எண்ணெய் தேவையில் பெரும் பகுதியை ரஷ்யாவிலிருந்து பெறுகிறது. அமெரிக்காவின் புதிய வரி விதிப்பு மசோதா நடைமுறைக்கு வந்தால், ரஷ்யாவிலிருந்து எண்ணெய் இறக்குமதி பாதிக்கப்படலாம். இதற்கு தீர்வாக, சவுதி அரேபியா, ஐக்கிய அரபு அமீரகம் மற்றும் ஈராக் போன்ற நாடுகளிடமிருந்து இறக்குமதியை அதிகரிக்க இந்தியா திட்டமிட்டுள்ளது.
ரஷ்ய எண்ணெய் கிடைக்காவிட்டால், இறக்குமதி செலவு அதிகரிக்கும், இது பெட்ரோல் மற்றும் டீசல் விலையை உயர்த்தக்கூடும். இதன் விளைவாக பணவீக்கம் அதிகரிக்கவும், இந்திய ரூபாயின் மதிப்பு குறையவும் வாய்ப்புள்ளது. இருப்பினும், இந்தியா ஏற்கனவே 41 நாடுகளுடன் எண்ணெய் வர்த்தகம் செய்வதால், உடனடிப் பாதிப்புகள் குறைவாகவே இருக்கும் என எதிர்பார்க்கப்படுகிறது.
