பான் மசாலா தயாரிப்பு நிறுவனங்களுக்கான புதிய விதிமுறைகளை FSSAI வெளியிட்டுள்ளது. இனி பிளாஸ்டிக் பைகளில் பான் மசாலா விற்பனை செய்ய அனுமதி இல்லை. நிறுவனங்கள் இனி காகிதம், பேப்பர் போர்டு, செல்லுலோஸ், தகரம் அல்லது கண்ணாடி போன்ற பாதுகாப்பான மற்றும் சுற்றுச்சூழலுக்கு உகந்த பேக்கேஜிங் முறைகளைப் பயன்படுத்த வேண்டும்.

இந்த புதிய விதியின்படி, பாலித்தீன், பிவிசி அல்லது எந்தவொரு செயற்கை பிளாஸ்டிக் மற்றும் உலோகப் பூச்சுகள் கொண்ட பேக்கேஜிங் முறைகளும் தடை செய்யப்பட்டுள்ளன. சாலைகளில் கொட்டப்படும் பிளாஸ்டிக் கழிவுகளால் ஏற்படும் சுற்றுச்சூழல் பாதிப்பைக் குறைக்க இந்த நடவடிக்கை எடுக்கப்பட்டுள்ளது.

பான் மசாலா விற்பனைக்குத் தடை விதிக்கப்படவில்லை, அதன் பேக்கேஜிங் முறையில்தான் மாற்றம் செய்யப்பட்டுள்ளது. இந்த விதியை மீறும் நிறுவனங்கள் மீது கடுமையான நடவடிக்கை எடுக்கப்படும் என்று தெரிவிக்கப்பட்டுள்ளது.