மத்திய கிழக்கு மோதல்களுக்கு மத்தியில் இந்தியாவின் பெட்ரோலியப் பொருட்கள் ஏற்றுமதி அபரிமிதமாக உயர்ந்துள்ளது. சிங்கப்பூர், தென்னாப்பிரிக்கா மற்றும் துருக்கி போன்ற நாடுகள் இந்திய எரிபொருளை அதிகம் நம்பியுள்ளன.
மத்திய கிழக்கு பிராந்தியத்தில் நிலவும் மோதல்களால் உலகளாவிய எரிபொருள் சந்தையில் மாற்றம் ஏற்பட்டுள்ள நிலையில், இந்தியாவின் பெட்ரோலியப் பொருட்கள் ஏற்றுமதி பெரும் வளர்ச்சியைக் கண்டுள்ளது. சிங்கப்பூர் தற்போது இந்தியாவின் மூன்றாவது பெரிய பெட்ரோலியப் பொருட்கள் இறக்குமதி செய்யும் நாடாக மாறியுள்ளது. 2025 ஆம் ஆண்டின் முதல் காலாண்டில் சிங்கப்பூருக்கான ஏற்றுமதி 650 கோடி டாலராக உயர்ந்துள்ளது.
இந்த ஏற்றுமதி வளர்ச்சியால் தென்னாப்பிரிக்கா மற்றும் தான்சானியா ஆகியவை இந்தியாவின் முதல் 10 முக்கிய இறக்குமதி செய்யும் நாடுகளின் பட்டியலில் இணைந்துள்ளன. ஆப்பிரிக்க மற்றும் ஆசிய நாடுகளைத் தவிர, இத்தாலி மற்றும் ஸ்பெயின் போன்ற ஐரோப்பிய நாடுகளும் இந்திய எரிபொருளைப் பெரிதும் நம்பியுள்ளன. குறிப்பாக, துருக்கியின் இறக்குமதி 40 லட்சம் டாலரிலிருந்து 24 கோடி டாலராக உயர்ந்துள்ளது, இது சுமார் 5,800% வளர்ச்சியாகும்.
