டெல்லி கேஷவபுரம் பகுதியில் உள்ள ஒரு வீட்டில் 20 வயது இளம்பெண் சுட்டுக் கொல்லப்பட்ட சம்பவம் அதிர்ச்சியை ஏற்படுத்தியுள்ளது. தாக்குதல் நடத்தியவர் இளம்பெண்ணுக்குத் தெரிந்தவர் என்றும், அவர் இளம்பெண்ணின் நெற்றியில் துல்லியமாகச் சுட்டதாகவும் காவல்துறை தெரிவித்துள்ளது. இந்தத் தாக்குதலுக்குப் பிறகு குற்றவாளி அங்கிருந்து தப்பியோடிவிட்டார்.

காவல்துறையினர் குற்றவாளியைப் பிடிக்க தீவிரமான சோதனைகளை மேற்கொண்டு வருகின்றனர். அதே நேரத்தில், டெல்லியின் பாரத் நகர் பகுதியில் பூங்காவில் அமர்ந்திருந்த இளைஞர் மற்றும் இளம்பெண்ணை கும்பல் தாக்கியதில் இளைஞர் உயிரிழந்தார், இளம்பெண் பலத்த காயமடைந்தார்.