மகாராஷ்டிராவின் கல்யாண் நகரில் ஒரு அதிர்ச்சியூட்டும் சைபர் மோசடி சம்பவம் நடந்துள்ளது. மும்பையின் பைக்குலா ரயில்வே மருத்துவமனையில் வார்டு பயாகப் பணியாற்றிய ஓய்வு பெற்ற ஊழியர் ஒருவரின் வங்கி கணக்கிலிருந்து 7 லட்சம் ரூபாய் திருடப்பட்டுள்ளது. டிஆர்எம் (DRM) அலுவலகத்திலிருந்து பேசுவதாகக் கூறி மோசடி கும்பல் அவரைத் தொடர்பு கொண்டது.

கடந்த மே 5 அன்று நடந்த இந்த சம்பவத்தில், அவரது ஓய்வூதியப் பணம் செலுத்தும் ஆணை (PPO) எண்ணை சரிபார்க்கக் கோரி மோசடி கும்பல் போன் செய்துள்ளது. பாதிக்கப்பட்டவரின் மகள், பென்ஷன் கோப்புகள் தற்போது கைவசம் இல்லை என்று கூறியவுடன் அந்த அழைப்பு துண்டிக்கப்பட்டது. எந்தவொரு வங்கி விவரங்களையும் பகிராத நிலையிலும், அவரது கணக்கிலிருந்து பணம் எடுக்கப்பட்டுள்ளது.

பேசும்போதே சைபர் குற்றவாளிகள் அவரது மொபைல் போனை ஹேக் செய்து வங்கி விவரங்களைச் சேகரித்திருக்கலாம் என்று அதிகாரிகள் கருதுகின்றனர். இது தொடர்பாக இந்திய நியாய சன்ஹிதா மற்றும் தகவல் தொழில்நுட்பச் சட்டத்தின் கீழ் வழக்கு பதிவு செய்யப்பட்டு விசாரணை நடைபெற்று வருகிறது.