கர்நாடகாவின் லோகாயுக்தா போலீசார் திங்கள்கிழமை ஒரு கேஏஎஸ் (KAS) அதிகாரி மற்றும் அவரது தனி உதவியாரை கைது செய்தனர். மைசூரில் உள்ள ஒரு சொத்து தகராறைத் தீர்த்து வைப்பதற்காக லஞ்சம் கேட்டதாகக் கூறப்படும் காவியராணி மற்றும் சிவகுமார் மீது நடவடிக்கை எடுக்கப்பட்டுள்ளது.

பெங்களூரைச் சேர்ந்த டாக்டர் ரூபா என்பவர் 4.2 ஏக்கர் நிலத்தின் உரிமையை மாற்றியமைப்பதில் சிக்கல்களை எதிர்கொண்டார். இந்த விவகாரம் வருவாய் துணைப் பிரிவு நீதிமன்றத்தில் நிலுவையில் இருந்தது. காவியராணி இந்த வழக்கை விசாரிக்கும் அதிகாரியாக இருந்தார். நில மாற்றத்திற்காக காவியராணி ரூபாவவிடம் 10.5 லட்சம் ரூபாய் கேட்டதாகவும், ஏற்கனவே 5 லட்சம் ரூபாய் கொடுக்கப்பட்டதாகவும் கூறப்படுகிறது.

மீதமுள்ள 5.5 லட்சம் ரூபாயை வாங்கும் போது லோகாயுக்தா போலீசார் நடத்திய சோதனையில் காவியராணியும் அவரது உதவியாளரும் கையும் களவுமாகப் பிடிக்கப்பட்டனர். இருவரும் நீதிமன்றத்தில் ஆஜர்படுத்தப்பட்டு நீதிமன்றக் காவலில் வைக்கப்பட்டுள்ளனர்.