டி நகர் குப்புசாமி தெருவில் உள்ள அடுக்குமாடி குடியிருப்பில் வசித்து வந்த 80 வயது ராதா என்பவர் வெள்ளிக்கிழமை கொலை செய்யப்பட்ட நிலையில் சடலமாக மீட்கப்பட்டார். அவரது கணவர் இறந்த பிறகு அவர் தனியாக வசித்து வந்தார்.

போலீஸ் விசாரணையில், வீட்டுப் பணியாளர் அம்மு மற்றும் மேலும் இருவர் சேர்ந்து ராதாவைத் திட்டமிட்டு கொலை செய்து நகைகளைத் திருடியது தெரியவந்தது. தலையணை கொண்டு மூச்சுத்திணறச் செய்து அவர் கொல்லப்பட்டிருக்கலாம் என்று போலீசார் சந்தேகிக்கின்றனர். பிடிபட்டவர்களிடமிருந்து 12 சவரன் தங்க நகைகள் பறிமுதல் செய்யப்பட்டுள்ளன.

வீட்டின் உள்ளே இருந்த சிசிடிவி கேமரா இயங்கவில்லை என்றாலும், அருகில் உள்ள கட்டிடத்தின் சிசிடிவி காட்சிகளை ஆய்வு செய்ததன் மூலம் சந்தேக நபர்களை போலீசார் அடையாளம் கண்டுள்ளனர். இது குறித்த மேலதிக விசாரணை நடைபெற்று வருகிறது.