கர்நாடகாவின் சாமராஜநகர் மாவட்டம் ஹனூரில் உள்ள ஹோலேமுரடட்டி காட்டில் கடந்த ஆகஸ்ட் 14 இரவு இந்தச் சம்பவம் நடந்தது. இரவு ரோந்துப் பணியில் ஈடுபட்டிருந்த வனப்படையினரை, சரணடையச் சொன்னபோது ஆறு சந்தேகத்திற்குரிய வேட்டைக்காரர்கள் துப்பாக்கியால் சுட்டனர். பதிலடி கொடுத்த வனப்படையினரால் மூன்று வேட்டைக்காரர்கள் உயிரிழந்தனர்.

வேட்டைக்காரர்களின் மரணத்தைத் தொடர்ந்து, ஆத்திரமடைந்த கிராம மக்கள் காவேரி வனவிலங்கு சரணாலய அலுவலகத்தை சேதப்படுத்தினர். நிலைமையைக் கட்டுப்படுத்தப் பகுதியில் அதிகப்படியான காவலர்கள் மற்றும் மூன்று ரிசர்வ் போலீஸ் பிளட்டூன்கள் குவிக்கப்பட்டுள்ளனர். இந்த மோதலில் ஒரு வனப்படை வீரர் காயமடைந்துள்ளார்.