மேற்கு வங்கத்தின் நடியா மாவட்டத்தில் ஆகஸ்ட் 14 நள்ளிரவில் காங்கிரஸ் தலைவர் அனிஷூர் ரஹ்மான் மற்றும் அவரது மகன் அபூ சுஃபியான் ஆகியோர் கொல்லப்பட்டனர். நகசிபாரா இரயில்வே கேட் அருகே அவர்கள் பயணித்த வாகனத்தின் மீது துப்பாக்கிச் சூடு நடத்தப்பட்டது. பின்னர், அவர்கள் வாகனத்திலிருந்து இழுத்து வரப்பட்டு கத்தியால் குத்திக் கொல்லப்பட்டனர்.

இந்த கொலை தொடர்பாக ஞாயிற்றுக்கிழமை காலை மூன்று பேர் கைது செய்யப்பட்டனர். கைது செய்யப்பட்டவர்களில் நடியாவின் ஹரனகர் பஞ்சாயத்துத் தலைவி ஃபாத்திமா பீவியும் ஒருவர். அவரது கூட்டாளிகளான அலி மண்டல் மற்றும் மிதுன் ஷேக் ஆகியோரும் கைது செய்யப்பட்டுள்ளனர். கிருஷ்ணநகர் நீதிமன்றம் குற்றம் சாட்டப்பட்டவர்களை ஒன்பது நாட்கள் போலீஸ் காவலில் வைக்க உத்தரவிட்டுள்ளது.

இந்த கொடூரமான சம்பவத்திற்கு எதிர்ப்புத் தெரிவிக்கும் வகையில் காங்கிரஸ் மாநிலம் முழுவதும் 'கருப்பு தினத்தை' கடைப்பிடித்தது. மாநிலத்தின் சட்டம் ஒழுங்கு சீர்குலைந்துள்ளதாக எதிர்க்கட்சிகள் குற்றம் சாட்டுகின்றன.