மோசடி செய்பவர்கள் தங்களை மறைத்துக்கொண்டு மக்களை ஏமாற்ற ஏஐ தொழில்நுட்பத்தைப் பயன்படுத்துவது இப்போது நிஜமாகிவிட்டது. சமீபத்திய ஆய்வில், ஒரு மனித மோசடி நபருக்கும் ஏஐ ஏஜென்ட்டுக்கும் இடையிலான போட்டியில், ஏஐ சாட்பாட்கள் மக்களை நம்ப வைப்பதில் மனிதர்களை விட சிறப்பாகச் செயல்படுவது கண்டறியப்பட்டுள்ளது.

இந்த ஆய்வில், 'பிக் புட்சரிங்' (pig butchering) எனப்படும் வகை மோசடியின் ஒரு பகுதியாக, நீண்ட கால உறவை உருவாக்கி பின் முதலீடு என்ற பெயரில் பணத்தைத் திருடும் முறையை ஆராய்ச்சியாளர்கள் சோதித்தனர். ஒரு வாரம் உரையாடிய பிறகு, ஏஐ சாட்பாட்கள் உருவாக்கிய நம்பிக்கையின் அளவு மனிதர்களை விட மிக அதிகமாக இருந்தது.

சோதனையில் பங்கேற்றவர்களில் கிட்டத்தட்ட பாதி பேர் ஏஐ கேட்ட செயலியைப் பதிவிறக்கம் செய்ய ஒப்புக்கொண்டனர், ஆனால் மனிதர்கள் கேட்டதை வெறும் ஐந்தில் ஒரு பங்கு பேர் மட்டுமே ஏற்றுக்கொண்டனர். மோசடி செய்பவர்கள் ஏஐ மூலம் நம்பிக்கையை உருவாக்கி, இறுதியில் ஒரு மனிதர் மூலம் பணத்தைப் பறிக்கும் முறையைப் பயன்படுத்தினால், அதைத் தடுப்பது மிகவும் கடினம் என்று ஆராய்ச்சியாளர்கள் எச்சரிக்கின்றனர்.