பிரதமரின் பொருளாதார ஆலோசனைக் குழுவின் முன்னாள் தலைவரும், இந்திய ரிசர்வ் வங்கியின் முன்னாள் ஆளுநருமான சி. ரங்கராஜன், சென்னை ஸ்டெல்லா மேரிஸ் கல்லூரியின் பொருளாதாரத் துறை நடத்திய இந்தியாவின் புதிய பொருளாதாரக் கொள்கையின் 35-வது ஆண்டு விழாவில் சிறப்புரையாற்றினார். அப்போது, உலக நாடுகளுக்கு இடையேயான மோதல்களும், புதிய வரிகளும் கொள்கை ரீதியான மாற்றங்களைக் கோருவதாக அவர் குறிப்பிட்டார்.

மாறிவரும் உலகளாவிய சூழ்நிலைகளுக்கு ஏற்ப நாம் நம்மை மாற்றியமைத்துக் கொள்ள வேண்டும் என்று கூறிய அவர், பாதுகாப்பு உபகரணங்கள், செமிகண்டக்டர் சிப் உற்பத்தி மற்றும் செயற்கை நுண்ணறிவு (AI) போன்ற முக்கியத் துறைகளில் உள்நாட்டு உற்பத்தியை அதிகரிக்க வேண்டும் என வலியுறுத்தினார். உலகளாவிய சூழல் மாறும்போது, தாராளமயமாக்கல் விதிகளில் சில தளர்வுகளைச் செய்தாவது உள்நாட்டு உற்பத்தியை ஊக்குவிப்பது அவசியம் என்று அவர் கூறினார்.