பிரபல பாடலாசிரியரும் வசனகர்த்தாவுமான மனோஜ் முண்டாஷிர், 'ஆதிபுருஷ்' திரைப்படத்திற்கு வசனம் எழுதியது தனது வாழ்க்கையிலேயே செய்த மிகப்பெரிய தவறு என்பதை ஒப்புக்கொண்டுள்ளார். படம் வெளியானதில் இருந்தே அதன் வசனங்கள் கடும் விமர்சனத்திற்கும், ரசிகர்களின் கோபத்திற்கும் ஆளானது குறிப்பிடத்தக்கது.

சமீபத்திய பேட்டி ஒன்றில் பேசிய அவர், தான் எழுதிய வசனங்களுக்காக மிகவும் வெட்கப்படுவதாகக் கூறினார். மேலும், சமீபத்தில் தனக்கு கிடைத்த தேசிய திரைப்பட விருது, இந்த சர்ச்சைகளில் இருந்து மீண்டு வர தனக்கு ஒரு புதிய வாய்ப்பை வழங்கியுள்ளதாக அவர் தெரிவித்துள்ளார்.