இளைய தலைமுறையான ஜென் ஜி (Gen Z) குறித்து விமர்சித்த கங்கனா ரணாவத்தை ராகி சாவந்த் கடுமையாக சாடியுள்ளார். கங்கனாவை 'சாக்கடை வாய்' என்று குறிப்பிட்டு அவர் வெளியிட்டுள்ள கருத்து இணையத்தில் வைரலாகி வருகிறது.
பாலிவுட்டின் பிரபல சர்ச்சைக்குரிய நடிகையான ராகி சாவந்த், தற்போது நடிகையும் எம்பியுமான கங்கனா ரணாவத்தை கடுமையாக தாக்கிப் பேசியுள்ளார். சமீபத்தில் கங்கனா ரணாவத், இன்றைய இளைஞர்களான 'ஜென் ஜி' (Gen Z) தலைமுறையினர் கடின உழைப்பை விரும்புவதில்லை என்றும், எப்போதும் மொபைல் போன்களிலேயே மூழ்கியிருப்பதாகவும் விமர்சித்திருந்தார்.
இதற்கு பதிலடி கொடுக்கும் வகையில் பேசிய ராகி சாவந்த், கங்கனாவை 'சாக்கடை வாய்' என்று சாடினார். இன்றைய இளைஞர்கள் தங்களின் தனித்துவமான திறமைகளால் உலகளவில் சாதித்து வருவதாகவும், அவர்களின் உழைப்பை குறைத்து மதிப்பிட கங்கனாவுக்கு எந்த உரிமையும் இல்லை என்றும் அவர் கொந்தளித்தார்.
