மார்வெல் ஸ்டுடியோஸின் 'வொண்டர் மேன்' தொடர், வழக்கமான MCU பாணியிலிருந்து மாறுபட்ட ஒரு புத்துணர்ச்சியூட்டும் கதையாகத் தொடங்கி பெரும் வரவேற்பைப் பெற்றது. இதன் வெற்றியைக் கருத்தில் கொண்டு, இரண்டாம் சீசனுக்கான ஒப்புதல் ஏற்கனவே வழங்கப்பட்டிருந்தது. ஆனால், தற்போது அந்தத் தொடர் ரத்து செய்யப்பட்டுள்ளதாக வேரிட்டி (Variety) செய்தி வெளியிட்டுள்ளது. இரண்டாம் சீசனுக்கான எழுத்தாளர்கள் குழு கூட இன்னும் அதிகாரப்பூர்வமாகத் தொடங்கவில்லை என்பது குறிப்பிடத்தக்கது.

யாஹ்யா அப்துல் மத்தீன் II மற்றும் பென் கிங்ஸ்லி ஆகியோரின் நடிப்பில் உருவான இத்தொடர், விமர்சகர்களிடமிருந்து 91% நேர்மறையான மதிப்பீட்டைப் பெற்றது. யாஹ்யாவிற்கு எமி விருதுnomination கூட கிடைத்தது. இருப்பினும், இத்தொடர் மிகப்பெரிய அளவில் பொதுமக்களிடம் ரீச் செய்யவில்லை. டிஸ்னியின் புதிய தலைமை நிர்வாக அதிகாரி ஜோஷ் டாமாரோவின் கீழ் நிறுவனத்தில் ஏற்பட்டுள்ள மாற்றங்கள் மற்றும் பணிநீக்கங்கள் இந்த ரத்து முடிவுக்கு முக்கிய காரணமாக இருக்கலாம் என்று கூறப்படுகிறது.

இருப்பினும், இத்தொடரின் முக்கிய கதாபாத்திரங்கள் மற்ற மார்வெல் தொடர்களில் சிறு காட்சிகளாக (cameos) மீண்டும் வரக்கூடும் என்று ஒரு வட்டாரத் தகவல் கூறுகிறது. டிஸ்னி பிளஸ் தற்போதைய ஸ்ட்ரீமிங் சந்தையில் நெட்ஃபிக்ஸ் போன்ற நிறுவனங்களுடன் போட்டியிடப் போராடி வருகிறது.