புது டெல்லியில் நடைபெற்ற நிகழ்ச்சியில் பேசிய நெட்ஃபிக்ஸ் இணை சிஇஓ டெட் சாரண்டோஸ், இந்தியாவின் உள்ளடக்க உத்தியைப் பற்றிப் பேசினார். 2017-ல் இந்தியாவில் நெட்ஃபிக்ஸ் அறிமுகமானபோது, 'சேக்ரெட் கேம்ஸ்' போன்றத் தொடர்களுக்கு இணையாக 'லாக் அப்' போன்ற மக்கள் விரும்பும் (Massy) தொடர்களையும் சேர்த்திருக்கலாம் என்று அவர் வருத்தம் தெரிவித்தார். பார்வையாளர்கள் தரம் (Classy) மற்றும் வெகுஜனம் (Massy) என்று பிரித்துப் பார்ப்பதில்லை என்றும், அனைவரும் சிறந்த பொழுதுபோக்கையே விரும்புகிறார்கள் என்றும் அவர் விளக்கினார்.

இந்தியாவில் நட்சத்திரங்களின் தாக்கம் மிக முக்கியமானது என்பதை அவர் ஒப்புக்கொண்டார். மேலும், 2024 முதல் ஒவ்வொரு வாரமும் நெட்ஃபிக்ஸ் உலகளாவிய டாப் 10 பட்டியலில் ஒரு இந்தியத் தொடர் அல்லது திரைப்படம் இடம் பிடிப்பதையும் அவர் சுட்டிக்காட்டினார். இந்தியத் தொடர்கள் உலகளவில் அதிக நேரம் பார்க்கப்படுவது இந்தியாவின் வளர்ந்து வரும் வலிமையைக் காட்டுகிறது என்று அவர் கூறினார்.