பிரியங்கா மண்டல் என்ற இன்ஸ்டாகிராம் பயனர் தனது மகளின் கைவினைப் படைப்பைப் பகிர்ந்துள்ளார். ஒரு சாதாரண நோட்டுப் புத்தகத்தின் ஒவ்வொரு பக்கத்தையும் ஒரு தனி அறையாக மாற்றியுள்ளார் அந்த சிறுமி. அதில் சிறிய படுக்கை, அலமாரி, குளியலறை மற்றும் சமையலறை என அனைத்தும் நுணுக்கமாக வடிவமைக்கப்பட்டுள்ளன. இதில் உள்ள சிறிய ஆடைகளை மாற்றிப் போடவும் முடியும்.

இந்த வீடியோவைப் பார்த்த சமூக வலைதளப் பயனர்கள் மிகுந்த நெகிழ்ச்சியடைந்துள்ளனர். குழந்தைகளின் இந்த எளிய மற்றும் ஆக்கபூர்வமான படைப்பைப் பாராட்டியுள்ள பலர், தங்கள் சிறுவயது நினைவுகளைப் பகிர்ந்து கொண்டனர். காகிதம் மற்றும் வண்ணங்கள் மட்டுமே கொண்டு ஒரு சிறுமி உருவாக்கிய இந்த உலகம் அனைவரையும் வியக்க வைக்கிறது.