நடிகர் கோவிந்தா தனது தனிப்பட்ட வாழ்க்கை மற்றும் திருமண வாழ்க்கை குறித்த பல்வேறு சர்ச்சைகள் குறித்துத் தற்போது விளக்கம் அளித்துள்ளார். ஒரு மராத்தி நடிகையுடனான அவரது காதல் குறித்த வதந்திகள் கடந்த சில காலமாகப் பேசப்பட்டு வந்தன. அவரது மனைவி சுனிதா அஹுஜா பல நேர்காணல்களில் இது குறித்துக் கருத்து தெரிவித்து வந்ததும் குறிப்பிடத்தக்கது.

இது குறித்துப் பேசிய கோவிந்தா, எந்தவொரு பெண்ணின் பெயரையும் கூறி அவளைக் களங்கப்படுத்த விரும்பவில்லை என்று கூறினார். மேலும், தனது மனைவி சுனிதா குறித்த கேள்விகளுக்குப் பதிலளிக்கும் போது, வெற்றியை அடைய சில நேரங்களில் நெருக்கமானவர்களின் விமர்சனங்களைச் சகித்துக்கொள்ள வேண்டியிருக்கும் என்று அவர் குறிப்பிட்டார். குடும்பத்தின் முன்னேற்றத்தில் சுனிதாவின் பங்கு மிக முக்கியமானது என்றும் அவர் புகழாரம் சூட்டினார்.