கர்நாடகாவில் நடைபெற்று வரும் சிறப்பு வாக்காளர் பட்டியல் திருத்த நடவடிக்கையின் போது, தனது வாக்காளர் அடையாள அட்டை விவகாரத்தில் தேர்தல் ஆணையத்தை நடிகர் பிரகாஷ் ராஜ் கேள்வி எழுப்பியுள்ளார். பெங்களூரு வாக்காளர் பட்டியலில் தனது பெயர் நீக்கப்பட்டுள்ளதாக அவர் கூறிய நிலையில், அவரது நிலை 'மாற்றப்பட்டது' (shifted) என்று மட்டுமே ஆணையம் கூறியுள்ளது.

இது குறித்து எக்ஸ் (X) தளத்தில் பதிவிட்ட வீடியோவில், ஆணையம் தனது நிலைப்பாட்டை மாற்றிக்கொண்டதாக பிரகாஷ் ராஜ் குற்றம் சாட்டியுள்ளார். விஷயம் சமூக வலைதளங்களில் வைரலான பிறகு, அதிகாரிகள் தவறுவிட்டதாகத் தெரிவித்துத் திருத்துவதாகக் கூறியதாகவும் அவர் குறிப்பிட்டுள்ளார். இது ஒரு குடிமகனின் கண்ணியத்திற்கான போராட்டம் என்று அவர் கூறியுள்ளார்.