லடாக்கின் கருப்பு கழுத்து கொக்குகள் (Black-necked Cranes) மற்றும் வனவிலங்குகளைப் பாதுகாக்கும் நோக்கில், 2,950-க்கும் மேற்பட்ட தெரு நாய்களுக்கு கருத்தடை செய்யப்பட்டுள்ளது. பம்பாய் நேச்சுரல் ஹிஸ்டரி சொசைட்டி (BNHS), இந்திய ராணுவம் மற்றும் உள்ளூர் வனத்துறையின் கூட்டு முயற்சியால் இந்தத் திட்டம் செயல்படுத்தப்பட்டுள்ளது.

லடாக்கின் கலாச்சார அடையாளமாகவும் மாநிலப் பறவையாகவும் விளங்கும் கருப்பு கழுத்து கொக்குகளை, தெரு நாய்கள் வேட்டையாடுவதால் அவற்றின் எண்ணிக்கை குறைந்து வருகிறது. குறிப்பாக, கொக்குகளின் குஞ்சுகள் மற்றும் கூடுகளைப் பாதுகாப்பதே இந்தத் திட்டத்தின் முக்கிய நோக்கமாகும்.

இந்தியாவில் 100-க்கும் குறைவான கருப்பு கழுத்து கொக்குகளே எஞ்சியுள்ளன. இதனுடன் சேர்த்து, நாய்களுக்கு உணவு கிடைப்பதைத் தவிர்க்க கழிவு மேலாண்மை திட்டங்களும் இந்தத் திட்டத்தின் கீழ் செயல்படுத்தப்படுகின்றன.