வீடியோ கேம் துறையில் தற்போது பணிநீக்கம், கேம் ரத்து மற்றும் ஸ்டுடியோக்கள் மூடல் போன்ற பல பிரச்சனைகள் நிலவி வருகின்றன. இத்தகைய சூழலிலும் நிண்டெண்டோ மட்டும் ஒரு விதிவிலக்காகத் திகழ்கிறது. ஜப்பானிய கேமிங் இதழான ஃபாமிட்சு (Famitsu) உடனான நேர்காணலில், நிண்டெண்டோவின் நீண்டகால இயக்குனரான ஷிகெரு மியாமோட்டோ, தங்கள் நிறுவனம் எவ்வாறு தனித்துவமாகச் செயல்படுகிறது என்பதை விளக்கினார்.

நிண்டெண்டோ தற்போது எது பிரபலமாக உள்ளது என்பதைத் தேடி ஓடுவதில்லை, மாறாக விளையாடுவதற்கு எது 'மகிழ்ச்சியாக' இருக்கும் என்பதைத் தொடர்ந்து உருவாக்கி வருகிறது என்று அவர் கூறினார். சானி மற்றும் மைக்ரோசாஃப்ட் போன்ற நிறுவனங்கள் அதிநவீன கிராபிக்ஸ் மற்றும் லைவ்-சர்வீஸ் கேம்களின் பின்னால் ஓடும்போது, நிண்டெண்டோ விளையாட்டின் அனுபவத்திற்கும் மகிழ்ச்சிக்கும் மட்டுமே முக்கியத்துவம் அளிக்கிறது. வெறும் லாபத்தை மட்டுமே நோக்கமாகக் கொண்டால் தனித்துவமான படைப்புகளை உருவாக்க முடியாது என்று அவர் எச்சரித்துள்ளார்.