நியூ ஜெர்சியில் உள்ள ரட்ஜர்ஸ் பல்கலைக்கழக ஆராய்ச்சியாளர்கள் நடத்திய ஒரு சிறிய மருத்துவ சோதனையில், உடல் எடையைக் குறைப்பதையும் தாண்டி குறிப்பிட்ட நேரத்திற்குள் உணவு உண்பதன் மூலம் கூடுதல் நன்மைகள் கிடைப்பதாகக் கண்டறியப்பட்டுள்ளது. ஒரு குறிப்பிட்ட 9 மணிநேர காலத்திற்குள் உணவை முடிப்பதும், தூங்குவதற்கு 4 மணி நேரத்திற்கு முன்பே உணவைத் தவிர்ப்பதும் முதுமையில் மூளைத் திறனைத் தக்கவைக்க உதவும் என்று ஆய்வாளர்கள் கூறுகின்றனர்.

இந்த ஆய்வில் 50 முதல் 79 வயதுடைய அதிக உடல் எடை கொண்ட பெண்கள் பங்கேற்றனர். சோதனையின் முடிவில், குறிப்பிட்ட நேரத்திற்குள் உணவு உட்கொண்ட குழுவினர், இடஞ்சார்ந்த திட்டமிடல் மற்றும் சிக்கல்களைத் தீர்க்கும் சோதனைகளில் மற்றவர்களை விட சிறப்பாகச் செயல்பட்டனர். இது நினைவாற்றல் மற்றும் கற்றல் தொடர்பான பிழைகளைக் குறைப்பதாகவும் ஆய்வுகள் தெரிவிக்கின்றன.