லண்டனைச் சேர்ந்த மேசி சேவேஜின் கருவில் இருந்த தியோ என்ற குழந்தைக்கு 'கேஸ்ட்ரோஷிசிஸ்' (Gastroschisis) என்ற தீவிரப் பிறவி குறைபாடு இருந்தது. இதில் குழந்தையின் குடல்கள் வயிற்றுக்கு வெளியே வளரத் தொடங்கும். இதனைச் சரிசெய்ய, அமெரிக்க மருத்துவர்கள் மேசியின் கருப்பை ஒரு பகுதியைத் தற்காலிகமாக வெளியே எடுத்து, நுண்துளை அறுவை சிகிச்சை (Keyhole surgery) மூலம் குழந்தையின் உறுப்புகளை மீண்டும் வயிற்றுக்குள் கொண்டு வந்தனர்.

தற்போது ஐந்து மாதமடைந்த தியோ ஆரோக்கியமாக வளர்ந்து வருகிறான். இந்தச் சிகிச்சை ஒரு மருத்துவ ஆய்வின் ஒரு பகுதியாக டெக்சாஸ் சில்ட்ரன்ஸ் மருத்துவமனையில் டாக்டர் மைக்கேல் பெல்ஃபோர்ட் தலைமையில் நடைபெற்றது. தியோவின் பெற்றோர் இந்த வரலாற்றுச் சிறப்புமிக்க வெற்றியை ஒரு 'சிறு அதிசயம்' என்று நெகிழ்ச்சியுடன் கூறுகின்றனர்.