இந்தியாவில் லட்சக்கணக்கான மக்கள் விழிவெண்படல பாதிப்பால் பார்வையை இழந்துள்ளனர். கொடையாளர்களின் எண்ணிக்கை குறைவாக இருப்பதால், பல நோயாளிகள் நீண்ட காலம் காத்திருக்க வேண்டியுள்ளது. இந்த சவாலை எதிர்கொள்ள டெல்லி AIIMS-ன் RP மையம் செயற்கை விழிவெண்படல சிகிச்சையைத் தொடங்கியுள்ளது. பேராசிரியர் டாக்டர் ராஜேஷ் சின்ஹா இது குறித்துத் தெரிவித்துள்ளார்.

நாட்டில் சுமார் 8.2% மக்கள் விழிவெண்படலப் பாதிப்பால் பாதிக்கப்பட்டுள்ளனர். குறிப்பாக 0 முதல் 49 வயதுடையவர்களில் 38% பேர் இதில் அடங்குவர். இதுவரை சுமார் 20 நோயாளிகளுக்கு இந்த செயற்கை விழிவெண்படல சிகிச்சை அளிக்கப்பட்டுள்ளது. இது கொடையாளர்கள் கிடைக்காத நோயாளிகளுக்கு ஒரு சிறந்த மாற்றாக அமையும்.