அமிர்தசரஸ் பொற்கோவிலில் ஷிரோமணி அகாலி தளம் (SAD) தலைவர் சுக்பீர் சிங் பாதல் மீது துப்பாக்கிச் சூடு நடத்தப்பட்ட சம்பவம் நாடு முழுவதும் பெரும் அதிர்ச்சியை ஏற்படுத்தியுள்ளது. இந்த தாக்குதலில் ஈடுபட்டதாக நரேன் சிங் சௌரா என்ற 60 வயது மதிக்கத்தக்க நிஹாங் சீக்கியரை போலீசார் உடனடியாக கைது செய்தனர்.

கைது செய்யப்பட்ட நபர் நீண்ட காலமாக பல்வேறு ஆன்மீக மற்றும் மத வழிபாட்டுத் தலங்களில் 'சேவாதாராக' (தன்னார்வலராக) பணியாற்றி வந்துள்ளார் என்பது விசாரணையில் தெரியவந்துள்ளது. பொற்கோவிலின் நுழைவாயிலில் பாதல் தனது மத ரீதியான தண்டனைக்காக காவல் காக்கும் சேவையில் ஈடுபட்டிருந்தபோது, கூட்டத்தில் இருந்த நபர் திடீரென அவரை நோக்கி துப்பாக்கியால் சுட்டார். அதிர்ஷ்டவசமாக பாதல் காயமின்றி தப்பினார்.