திறமையான வெளிநாட்டுப் பணியாளர்களுக்கான புதிய H-1B விசாக்களுக்கு 1,00,000 அமெரிக்க டாலர் கட்டணத்தை விதிக்கும் டிரம்ப் நிர்வாகத்தின் முயற்சியை அமெரிக்க கூட்டாட்சி மேல் நீதிமன்றம் வெள்ளிக்கிழமை நிராகரித்தது. போஸ்டன் நகரைச் சேர்ந்த 1st US Circuit Court of Appeals, கீழ் நீதிமன்றத்தின் ஜூன் 8-ஆம் தேதியிட்ட தீர்ப்பை ரத்து செய்ய மறுத்துவிட்டது.

20 ஜனநாயக மாநில அட்டர்னி ஜெனரல்கள் தாக்கல் செய்த வழக்கில், இந்த கட்டணம் நாடாளுமன்றத்தின் அனுமதியின்றி விதிக்கப்பட்ட சட்டவிரோத வரி என்று நீதிமன்றம் கூறியுள்ளது. டிரம்ப் நிர்வாகம் தனது அதிகார வரம்பை மீறவில்லை என்பதை நிரூபிக்கத் தவறிவிட்டதாக மூன்று நீதிபதிகள் கொண்ட குழு தெரிவித்தது.

தொழில்நுட்ப நிறுவனங்கள் வெளிநாட்டு ஊழியர்களைக் கொண்டுவர H-1B விசாக்களை பெரிதும் நம்பியுள்ளன. வழக்கமாக 2,000 முதல் 5,000 டாலர் வரை இருந்த இந்த கட்டணம், டிரம்ப்பின் உத்தரவால் பெரும் உயர்வைக் காணவிருந்தது.