அமெரிக்காவில் சில அகதி விண்ணப்பங்களை குடிவரவு சேவை அதிகாரிகளின் நேர்காணல் இன்றி நேரடியாக குடிவரவு நீதிமன்றங்களுக்குப் பரிந்துரைக்கும் புதிய விதி அமலுக்கு வந்துள்ளது. USCIS-இல் நிலுவையில் உள்ள 1.4 மில்லியன் அகதி விண்ணப்பங்களின் சுமையைக் குறைக்கவும், முடிவுகளை விரைவுபடுத்தவும் இந்த நடவடிக்கை எடுக்கப்பட்டுள்ளது.

USCIS இயக்குனர் ஜோசப் எட்லோ கூறுகையில், இந்த விதிமுறை உண்மையானத் துன்புறுத்தலுக்கு ஆளானவர்களுக்கு விரைவாகத் தீர்வைத் தரும் என்றும், முறையைத் தவறாகப் பயன்படுத்துபவர்களைத் தடுக்கும் என்றும் தெரிவித்தார். தற்போது 'அஃப்பரமேட்டிவ்' (Affirmative) எனப்படும் அகதி விண்ணப்பங்கள் இந்த புதிய விதியின் கீழ் நேரடியாக நீதிபதிகளிடம் கொண்டு செல்லப்படும்.

இந்த மாற்றத்தின் மூலம் ஆண்டுதோறும் 1,32,000-க்கும் மேற்பட்ட வழக்குகள் குடிவரவு நீதிமன்றங்களுக்கு மாற்றப்படலாம் என்று கணிக்கப்பட்டுள்ளது. இது USCIS-இல் உள்ள மொத்த நிலுவையில் உள்ள வழக்குகளில் சுமார் 31 சதவீதத்தைப் பாதிக்கும் என்று எதிர்பார்க்கப்படுகிறது.