ஜப்பானின் கியூஷு தீவில் 7.1 ரக நிலநடுக்கம் ஏற்பட்டபோது, ஒரு செல்லப் பூனையின் உடனடி எதிர்வினை இணையத்தில் பெரும் கவனத்தைப் பெற்றுள்ளது. ஒரு பெட் கேமராவில் பதிவான வீடியோவில், பூனை அமைதியாக உறங்கிக் கொண்டிருக்கும்போது திடீரென விழித்துக்கொண்டு, ஏதோ ஆபத்தை உணர்ந்தது போல சுற்றியுள்ள இடங்களை உற்று நோக்குவது தெரிகிறது.

சில வினாடிகளில், அறை பயங்கரமாக அதிர்ந்ததுடன் தளவாடங்களும் கீழே விழுந்தன. இந்த வீடியோ சமூக வலைதளங்களில் வைரலானதும், விலங்குகள் மனிதர்களை விட நிலநடுக்கத்தை முன்கூட்டியே கண்டறியும் திறன் கொண்டவை என்று பலரும் கருத்து தெரிவித்து வருகின்றனர்.

இந்த நிலநடுக்கத்தில் குறைந்தது 13 பேர் உயிரிழந்ததாக ஜப்பானிய அதிகாரிகள் தெரிவித்துள்ளனர். விலங்குகளின் உணர்திறன் மிக்க புலன்கள் மனிதர்களால் உணர முடியாத நுட்பமான இயற்கை சிக்னல்களைக் கண்டறியும் திறன் கொண்டவை என்று ஆராய்ச்சியாளர்கள் விளக்குகின்றனர்.