உக்ரைன் வெளியுறவு அமைச்சர் ஆண்ட்ரி சிபிஹா, ஈரான் வெளியுறவு அமைச்சர் அப்பாஸ் அராக்ச்சியுடன் தொலைபேசியில் பேசியுள்ளார். ரஷ்யாவின் போர் நடவடிக்கைகளுக்கு ஈரான் வழங்கும் அனைத்து ஆதரவையும் நிறுத்த வேண்டும் என்றும், பதற்றத்தை அதிகரிக்கும் நடவடிக்கைகளைத் தவிர்க்க வேண்டும் என்றும் அவர் கேட்டுக்கொண்டார். உக்ரைனின் தாக்குதல் ரஷ்ய போர்க்கப்பல்களை இலக்கு வைத்ததே தவிர, சிவிலியன் கப்பல்களை அல்ல என்று அவர் தெளிவுபடுத்தினார்.

இருப்பினும், காஸ்பியன் கடலில் உக்ரைன் நடத்திய தாக்குதலில் ஒரு மாலுமி உயிரிழந்ததாகவும் மற்றொருவர் காயமடைந்ததாகவும் ஈரான் குற்றம் சாட்டியுள்ளது. இந்தத் தாக்குதல் ஏற்றுக்கொள்ள முடியாதது என்றும், இதற்குப் பதிலடி கொடுக்கப்படும் என்றும் ஈரான் தரப்பில் தெரிவிக்கப்பட்டுள்ளது. உக்ரைனின் இந்த நடவடிக்கை ரஷ்ய ஆக்கிரமிப்பிலிருந்து நாட்டைப் பாதுகாப்பதற்காகவே எடுக்கப்பட்டது என்று உக்ரைன் தரப்பில் கூறப்பட்டுள்ளது.