நாடாளுமன்றத்தில் பதிலளித்த மத்திய விமான போக்குவரத்துத்துறை இணை அமைச்சர் முரளிதார் மொஹோல், சவுதி அரேபியாவின் பொது விமான போக்குவரத்து ஆணையம் (GACA) திருவனந்தபுரத்தை ஒரு பாயிண்ட் ஆஃப் கால்-ஆக அறிவிக்க கோரியதை அரசு நிராகரித்துள்ளதாகத் தெரிவித்தார். திருவனந்தபுரம் போன்ற மெட்ரோ அல்லாத விமான நிலையங்களிலிருந்து இந்திய விமான நிறுவனங்களின் சர்வதேச செயல்பாடுகளை ஊக்குவிப்பதே மத்திய அரசின் தற்போதைய கொள்கையாக உள்ளது.

தற்போது ஏர் இந்தியா எக்ஸ்பிரஸ் மட்டுமே திருவனந்தபுரத்திற்கும் தம்மமுக்கும் இடையே வாரத்திற்கு ஏழு விமானங்களை இயக்குகிறது. ஓணம் போன்ற பண்டிகை காலங்களில் பயணிகளின் தேவை அதிகமாக இருந்தபோதிலும், வெளிநாட்டு விமான நிறுவனங்களுக்கு அனுமதி வழங்கப்படவில்லை. இதேபோல் கண்ணூர் விமான நிலையத்திற்கும் வெளிநாட்டு நிறுவனங்களின் கோரிக்கை நிராகரிக்கப்பட்டுள்ளது.