கான்பூர்-லக்னோ கிரீன்ஃபீல்ட் எக்ஸ்பிரஸ்வேயின் சில பகுதிகளில் திடீரென நிலம் சரிந்து சாலை உடைந்துள்ளதால் பெரும் சர்ச்சை ஏற்பட்டுள்ளது. இந்த மெகா திட்டத்தை உருவாக்கிய பிஎன்பி இன்ஃப்ராடெக் (PNC Infratech) நிறுவனம், கட்டுமானத்தில் எந்தத் தவறும் இல்லை என்று வாதிட்டுள்ளது. சாலை அமைப்பதில் அனைத்து தொழில்நுட்பத் தரநிலைகளும் பின்பற்றப்பட்டதாகவும், கனமழை மற்றும் நீர் தேங்குதலே இந்தச் சரிவுக்குக் காரணம் என்றும் நிறுவனம் தெரிவித்துள்ளது.

தற்போது எக்ஸ்பிரஸ்வேயில் வாகனப் போக்குவரத்து சீராக உள்ளதாகவும், சேதமடைந்த பகுதிகளைச் சரிசெய்யத் தேவையான முழுச் செலவையும் நிறுவனமே ஏற்கும் என்றும் அது உறுதியளித்துள்ளது. இதனால் தேசிய நெடுஞ்சாலை ஆணையத்திற்கு (NHAI) கூடுதல் நிதிச்சுமை ஏற்படாது என்று தெரிவிக்கப்பட்டுள்ளது.