டெல்லியில் கரப்பான்பூச்சி ஜனதா கட்சி நடத்திய பேரணியின் போது ஏற்பட்ட மோதலில் பெல்லட் துப்பாக்கிகள் பயன்படுத்தப்பட்டதாகக் கூறி பொதுநல மனு தாக்கல் செய்யப்பட்டது. இந்த மனுவை விசாரித்த உச்ச நீதிமன்றம், போராட்டத்தின் போது பயன்படுத்தப்பட்ட வெடிமருந்துப் பதிவேட்டைப் பாதுகாக்குமாறு மத்திய அரசுக்கு உத்தரவிட்டது.

நீதிபதிகள் கருத்து தெரிவிக்கையில், அசாதாரண சூழல்களில் மட்டுமே பெல்லட் துப்பாக்கிகளைப் பயன்படுத்த அனுமதி உண்டு, ஆனால் அமைதியான போராட்டங்களின் போது அவற்றை பயன்படுத்துவதை ஏற்க முடியாது என்று தெரிவித்தனர். மேலும், பெல்லட் துப்பாக்கிச் சூட்டில் காயமடைந்தவர்களுக்குச் சிறந்த மருத்துவச் சிகிச்சை அளிக்க வேண்டும் என்றும் டெல்லி அரசுக்கு அறிவுறுத்தப்பட்டது.

இந்த வழக்கில் காயமடைந்தவர்கள் மற்றும் முன்னாள் மத்திய தகவல் ஆணையர் யஷோவர்தன் ஆகியோர் மனுத் தாக்கல் செய்திருந்தனர். போராட்டக்காரர்களுக்கு இழப்பீடு மற்றும் மறுவாழ்வு வழங்கப்பட வேண்டும் என்றும் மனுவில் கோரப்பட்டுள்ளது.