ஆகஸ்ட் 4 அன்று தாய்லாந்திலிருந்து டெல்லி திரும்பிய ஏர் இந்தியா AI2379 விமானம் கடுமையான டர்புலன்ஸ் எனப்படும் காற்றழுத்தத் தாக்கத்திற்கு உள்ளானது. இதனால் விமானம் திடீரென 300 அடி கீழே இறங்கியது, இதில் 137 பயணிகள் மற்றும் 8 ஊழியர்களில் 17 பேர் காயமடைந்தனர். இந்த அதிர்வினால் விமானத்தின் கூரை சேதமடைந்தது.

விமானிகள் வழக்கமான பரிசோதனை செய்தபோது, விமானியின் போதைப்பொருள் சோதனை (Dope Test) நேர்மறையாக வந்துள்ளது தெரியவந்துள்ளது. இது விமானி போதைப்பொருள் உட்கொண்டதைக் குறிக்கிறது. ஏர் இந்தியா இந்த முடிவை அதிகாரப்பூர்வமாக உறுதிப்படுத்தவில்லை என்றாலும், சம்பந்தப்பட்ட ஊழியர்கள் பணியிலிருந்து நீக்கப்பட்டுள்ளனர். சிவில் விமான போக்குவரத்து இயக்குநரகம் (DGCA) இந்த விவகாரத்தை தீவிரமாக விசாரித்து வருகிறது.