இந்தோனேசியாவில் சனிக்கிழமை காலை ஏற்பட்ட 7.7 ரிக்டர் அளவிலான சக்திவாய்ந்த நிலநடுக்கம் பெரும் பதற்றத்தை ஏற்படுத்தியுள்ளது. இந்த இயற்கை பேரிடரில் இதுவரை 20 பேர் உயிரிழந்துள்ளதாகவும், பலர் காயமடைந்துள்ளதாகவும் உறுதி செய்யப்பட்டுள்ளது. நிலநடுக்கத்தின் மையப்புள்ளி கடலுக்கு அடியில் இருந்ததால், கடலோரப் பகுதிகளில் சுனாமி எச்சரிக்கை விடுக்கப்பட்டது, பின்னர் அது ரத்து செய்யப்பட்டது.

நிலநடுக்கத்தைத் தொடர்ந்து 5.6 முதல் 6.1 ரிக்டர் வரையிலான பல அதிர்வுகள் (aftershocks) பதிவாகியுள்ளன. சமூக வலைதளங்களில் பல கட்டிடங்கள் இடிந்து விழுந்த வீடியோக்கள் பரவி வருகின்றன. ஒரு செமினரியில் பிரார்த்தனை நடந்து கொண்டிருந்தபோது மேற்கூரை இடிந்து விழுந்ததால், உயிர் பிழைக்க மதகுருக்கள் மாடிப்பகுதியிலிருந்து குதித்து தப்பினர். மருத்துவமனைகளில் இருந்த நோயாளிகளும் பாதுகாப்பிற்காக வெளியே கொண்டு வரப்பட்டுள்ளனர்.