கேரள முதல்வர் வி.டி. சதீசன் இன்று காலை திருவனந்தபுரம் காவடியார் கோல்ஃப் மைதானத்திலிருந்து ஹெலிகாப்டரில் கொச்சி நோக்கிப் புறப்பட்டார். ஆனால், கொச்சி சென்றடைந்தபோது அங்கு நிலவிய மோசமான வானிலை காரணமாக ஹெலிகாப்டரை தரையிறக்க முடியவில்லை. இதனால் பாதுகாப்பு கருதி ஹெலிகாப்டர் மீண்டும் திருவனந்தபுரத்திற்குத் திரும்பியது.

வானிலை சீராக இல்லையெனில் அவர் ரயிலில் பயணம் செய்யத் திட்டமிட்டுள்ளார். அதே நேரத்தில், கொச்சி மற்றும் மாலத்தீவில் நிலவும் மோசமான வானிலை காரணமாக ஏர் இந்தியா எக்ஸ்பிரஸ் மற்றும் இண்டிகோ விமானங்களும் திருவனந்தபுரம் விமான நிலையத்திற்குத் திசைமாற்றப்பட்டுள்ளன. வானிலை சீரானதும் விமானங்கள் மீண்டும் இயல்பான பாதையில் செல்லும் என்று அதிகாரிகள் தெரிவித்துள்ளனர்.