தமிழக நிதியமைச்சர் என். மேரி வில்சன் புதன்கிழமை சட்டப்பேரவையில் 2026-27 ஆம் ஆண்டிற்கான திருத்தப்பட்ட வரவுசெலவுத் திட்டத்தை தாக்கல் செய்தார். நகர்ப்புற மற்றும் கிராமப்புற ஆதிதிராவிடர் குடியிருப்புகளில் அடிப்படை உள்கட்டமைப்புகளை மேம்படுத்தி, வாழ்வாதாரத்தை உயர்த்த ₹300 கோடி செலவில் 'அயோத்திதாச பண்டிதர் குடியிருப்பு மேம்பாட்டுத் திட்டம்' செயல்படுத்தப்படும் என்று அவர் அறிவித்தார். மேலும், ஆதிதிராவிடர் மற்றும் பழங்குடியின பெண் விவசாயத் தொழிலாளர்களை நில உரிமையாளர்களாக்க ₹20 கோடி ஒதுக்கீட்டில் 'மண்ணின் மகள் திட்டம்' செயல்படுத்தப்படும்.

வெளிநாட்டுப் பல்கலைக்கழகங்களில் உயர்கல்வி பயிலும் மாணவர்களுக்கான 'அண்ணல் அம்பேத்கர் வெளிநாட்டு உயர்கல்வி உதவித்தொகை திட்டத்தின்' கீழ் மாணவர் ஒருவருக்கு அதிகபட்சமாக ₹36 லட்சம் வரை வழங்கப்படும். இவ்வாண்டு இத்திட்டத்தின் மூலம் 362 மாணவர்கள் ₹131 கோடி செலவில் பயனடைவர். மேலும், ஆதிதிராவிடர் மற்றும் பழங்குடியின மக்களின் தொழில்முனைவை ஊக்குவிக்க 'வெற்றி தொழில்முனைவோர் திட்டம்' (₹75 கோடி) மற்றும் 'அண்ணல் அம்பேத்கர் வணிக சாம்பியன்ஸ் திட்டம்' (₹165 கோடி) ஆகியவை செயல்படுத்தப்படும் என்று அவர் கூறினார்.