தகுதியுள்ள மணப்பெண்களுக்குத் திருமண நாளன்று எட்டு கிராம் தங்க நாணயம் மற்றும் பட்டுச் சேலை ஆகியவற்றை 'அண்ணன் சீர்' என்ற பெயரில் வழங்கத் தமிழக அரசு முடிவு செய்துள்ளது என்று நிதி அமைச்சர் மேரி வில்சன் சட்டமன்றத்தில் அறிவித்தார். இத்திட்டத்திற்காக ₹812 கோடி ஒதுக்கப்பட்டுள்ளது. இது தமிழக வெற்றி கழகத்தின் தேர்தல் வாக்குறுதியாகும்.

முதியோருக்காக அனைத்து மாவட்டங்களிலும் நவீன வசதிகளுடன் கூடிய ஒருங்கிணைந்த இல்லங்கள் அமைக்கப்பட உள்ளன. மேலும், திருநங்கைகளின் சமூக மற்றும் பொருளாதார மேம்பாட்டிற்காகத் திறன் பயிற்சி மற்றும் 'அரண்' என்ற பெயரில் ஐந்து மாவட்டங்களில் பாதுகாப்பு இல்லங்கள் அமைக்கப்படும் என்றும் அமைச்சர் தெரிவித்தார். சமூக நலத் துறைக்காக ₹9,818 கோடி ஒதுக்கப்பட்டுள்ளது.