டெல்லி சட்டமன்றத்தின் மழைக்கால கூட்டத்தொடர் தொடங்கியதும், முந்தைய ஆம் ஆத்மி கட்சி (AAP) ஆட்சிக்கால மின்சக்தி மானியத் திட்டத்தில் பல குளறுபடிகள் உள்ளதாக CAG அறிக்கை தெரிவித்துள்ளதைக் கூறி பாஜக அரசு ஆவணங்களைத் தாக்கல் செய்தது. 2019-20 முதல் 2022-23 வரையிலான தணிக்கையில், மின் பயன்பாடு இல்லாத குடும்பங்களுக்கும் மானியம் வழங்கப்பட்டதால் ₹42.26 கோடி இழப்பு ஏற்பட்டுள்ளது தெரியவந்துள்ளது.

மேலும், 145 வழக்குகளில் வரி மற்றும் கட்டண முரண்பாடுகள் காரணமாக ₹220.59 கோடி முறைகேடு நடந்துள்ளதாகவும் அறிக்கை சுட்டிக்காட்டியுள்ளது. கேள்வி நேரம் சேர்க்கப்படாதது குறித்து எதிர்க்கட்சிகள் கடும் கண்டனம் தெரிவித்துள்ளன. அதே வேளையில், தனியார் பல்கலைக்கழகங்களை நிறுவுவதற்கான மசோதாவையும் அமைச்சரவை அங்கீகரித்துள்ளது குறிப்பிடத்தக்கது.