உத்தரகண்ட் ஹல்துவானில் உள்ள ராமலீலா மைதானத்தில் காங்கிரஸ் நடத்திய மாபெரும் பேரணியில் லட்சக்கணக்கான தொண்டர்கள் திரண்டனர். இது 2027 சட்டமன்றத் தேர்தல் முன்னெடுப்பு நடவடிக்கையாகப் பார்க்கப்படுகிறது. காங்கிரஸ் தலைவர் மல்லிகார்ஜுன கார்கே தலைமையில் நடைபெற்ற இந்த நிகழ்வில், மக்கள் கூட்டம் மைதானத்தைத் தாண்டிச் சாலைகள் மற்றும் சந்தைகளிலும் காணப்பட்டது.

இந்தக் கூட்டத்தில் பேசிய கார்கே, மத்திய மற்றும் மாநில பாஜக அரசுகளைக் கடுமையாகச் சாடினார். ஆர்எஸ்எஸ் அமைப்பின் செயல்பாடுகளையும் அவர் விமர்சித்தார். உத்தரகண்ட் உள்ளிட்ட ஐந்து மாநிலங்களில் வரும் சட்டமன்றத் தேர்தல்களில் பாஜகவின் ஆட்சி முடிவுக்கு வரும் சூழல் உருவாகியுள்ளதாக அவர் கூறினார். பாஜகவை அதிகாரத்திலிருந்து அகற்ற அனைவரும் ஒன்றுபட வேண்டும் என்று அவர் கட்சித் தொண்டர்களை வலியுறுத்தினார்.