நீதிபதி யஷ்வந்த் வர்மா சம்பந்தப்பட்ட பண விவகாரம் குறித்த நாடாளுமன்ற ஆய்வுக் குழுவின் அறிக்கை வெளியாகியுள்ளது. நீதிபதி வர்மாவிற்கு எதிராக இம்பீச்மென்ட் (பதவி நீக்க) தீர்மானத்தைக் கொண்டு வர பரிந்துரைத்துள்ளது குழு. கடந்த ஆண்டு டெல்லி உயர் நீதிமன்ற நீதிபதியின் இல்லத்தில் ஏற்பட்ட தீ விபத்தின் போது அதிகப்படியான ரொக்கப் பணம் கண்டெடுக்கப்பட்டது இந்த விவகாரத்திற்குத் தொடக்கமானது.

நீதிபதி வர்மா ஏற்கனவே ராஜினாமா கடிதத்தை சமர்ப்பித்திருந்தாலும், ஆய்வுக் குழு குற்றச்சாட்டுகளை உறுதி செய்துள்ளது. அரசியலமைப்புச் சட்டம் பிரிவு 124 மற்றும் 218 ஆகியவற்றின் கீழ் நீதிபதிகளை நீக்கும் நடைமுறை உள்ளது. மக்களவை அல்லது மாநிலங்களவையில் இந்தத் தீர்மானம் தாக்கல் செய்யப்பட வேண்டும்.

தீர்மானம் ஏற்றுக்கொள்ளப்பட்டால், மூன்று உறுப்பினர்களைக் கொண்ட குழு விசாரணையை நடத்தும். குற்றச்சாட்டுகள் நிரூபிக்கப்பட்டால், இரு அவைகளிலும் சிறப்புப் பெரும்பான்மையுடன் தீர்மானம் நிறைவேற்றப்பட வேண்டும். அதன் பிறகு குடியரசுத் தலைவரின் உத்தரவின் மூலம் நீதிபதி நீக்கப்படுவார்.