கொல்கத்தாவின் கலாச்சார மையமான அகாடமி ஆஃப் ஃபைன் ஆர்ட்ஸ் இப்போது அரசியல் போர்க்களமாக மாறியுள்ளது. கடந்த ஜூலை மாதம் பாஜக தொண்டர்கள் அகாடமியின் டிக்கெட் கவுண்டர் அறையை காவி நிறமாக பூசினர். இதற்கு இடதுசாரிகள் மற்றும் கலைஞர்கள் கடும் எதிர்ப்பு தெரிவித்தனர்.

இதனைத் தொடர்ந்து, ஆகஸ்ட் 11 அன்று இடதுசாரிகள் மற்றும் கலைஞர்கள் அந்த அறையை வெள்ளை நிறமாக மாற்றினர். ஆனால், அடுத்த நாளிலேயே பாஜக எம்எல்ஏ ருத்ரநிலின் கோஷின் தலைமையில் தொண்டர்கள் மீண்டும் அந்த அறையை 'ஜெய் ஸ்ரீ ராம்' முழக்கங்களுடன் காவி நிறமாக பூசினர்.

முன்னாள் பாஜக தலைவர் சாமிக் பட்டாச்சார்யா மற்றும் பாஜகத் தலைவர் ருத்ரநிலின் கோஷ் ஆகியோர் தங்களது தரப்பு நியாயங்களை முன்வைத்துள்ளனர். இடதுசாரிகள் மக்களைத் தவறாக வழிநடத்துவதாக பாஜக குற்றம் சாட்டியுள்ளது.