சுதந்திர தின கொண்டாட்டத்தின் போது வந்தே மாதரம் பாடலின் முழுப் பதிப்பைப் பாடுவதைத் சோனியா காந்தி தடுத்ததாக பாஜக குற்றம் சாட்டியுள்ளது. பாஜக தேசிய பொதுச் செயலாளர் பி.எல். சந்தோஷ், காந்தி குடும்பத்தின் மனநிலை மாறவில்லை என்று விமர்சித்துள்ளார். பாஜக செய்தித் தொடர்பாளர் கோபால் கிருஷ்ணா அகர்வால் இந்தச் சம்பவத்தை மிகவும் அவமரியாதையானது என்று குறிப்பிட்டுள்ளார்.

இதற்குப் பதிலடி கொடுத்துள்ள காங்கிரஸ், இத்தகைய குற்றச்சாட்டுகளை முற்றிலுமாக மறுத்துள்ளது. காங்கிரஸ் பொதுச் செயலாளர் ஜெயராம் ரமேஷ் கூறுகையில், விழாவில் வந்தே மாதரம் முழுமையாகப் பாடப்பட்டது என்றும், சோனியா காந்தி மல்லிகார்ஜுன் கார்கே நீண்ட நேரம் நின்று கொண்டிருந்ததால் அவருக்கு ஒரு நாற்காலியை மட்டும் கேட்டார் என்றும் விளக்கமளித்துள்ளார்.