பாகிஸ்தானின் சிந்து மாகாணத்தைச் சேர்ந்த முன்னாள் அமைச்சர் குலாம் ரசூல் உன்னட், சமூக வலைதளங்கள் மூலம் நடந்த தனது திருமணம் ஒரு பெரிய ஏமாற்று வேலை என்று கூறி நீதிமன்றத்தில் வழக்குத் தொடர்ந்துள்ளார். திருமணத்திற்கு முன் பெண்ணின் புகைப்படங்கள் ஏஐ (AI) மற்றும் டிஜிட்டல் எடிட்டிங் மூலம் மாற்றப்பட்டதாக அவர் குற்றம் சாட்டுகிறார். பெண் உண்மையான தோற்றத்தை விட அழகாகக் காட்டப்பட இந்தத் தொழில்நுட்பம் பயன்படுத்தப்பட்டுள்ளது.

உண்மை தெரியவந்ததும் அமைச்சர் அந்தப் பெண்ணை விவாகரத்து செய்தார். இருப்பினும், விவாகரத்திற்குப் பிறகும் அந்தப் பெண் தன்னைத் தொடர்ந்து துன்புறுத்தி வருவதாகவும், சமூக வலைதளங்களில் போலித் தகவல்களைப் பதிவிட்டு கொலை மிரட்டல் விடுத்து வருவதாகவும் அவர் கூறியுள்ளார். இந்த விவகாரத்தில் நீதி கோரி அவர் கராச்சி நீதிமன்றத்தில் புகார் அளித்துள்ளார்.