IPL 2026-இல் தனது மின்னல் வேகத்தால் ரசிகர்களைக் கவர்ந்த வேகப்பந்து வீச்சாளர் அசோக் ஷர்மா, இந்திய அணியில் சர்வதேச அறிமுகம் பெற்றுள்ளார். ஜிம்பாப்வேக்கு எதிரான முதல் T20I போட்டியில் அவருக்கு வாய்ப்பளிக்கப்பட்டுள்ளது. ஹராரை ஸ்போர்ட்ஸ் கிளப்பில் நடைபெறும் இந்த போட்டியில், கேப்டன் சரேயஸ் ஐயர் டாஸ் வென்று முதலில் பந்துவீசத் தீர்மானித்தார்.

ராஜஸ்தான் ஜெய்ப்பூருக்கு அருகில் உள்ள ஒரு சிறிய கிராமத்தைச் சேர்ந்த அசோக் ஷர்மா, ஒரு விவசாயியின் மகன் ஆவார். அவரது குடும்பத்தின் பொருளாதார நிலை சரியில்லாத காரணத்தால், அவரது சகோதரர் அக்ஷய் ஷர்மா தனது கனவுகளைத் தியாகம் செய்து அசோக்கின் கிரிக்கெட் வாழ்க்கைக்கு உதவினார். சையத் முஷ்டாக் அலி தொடரில் 10 போட்டிகளில் 22 விக்கெட்டுகளை வீழ்த்தி அவர் அனைவரது கவனத்தையும் ஈர்த்தார்.

IPL 2026 ஏலத்தில் குஜராத் டைட்டன்ஸ் அவரை 90 லட்சம் ரூபாய்க்கு வாங்கியது. நரேந்திர மோடி மைதானத்தில் அவர் வீசிய 154.2 கிமீ வேகப்பந்து அந்த சீசனின் அதிவேக பந்தாகும். பல ஆண்டுகள் நெட் பந்துவீச்சாளராக இருந்தும், ரஞ்சி போட்டியில் காட்டிய அபார திறமையால் அவர் இன்று இந்திய அணியின் 23-வது வீரராக உருவெடுத்துள்ளார்.