இலங்கைக்கு எதிரான கிரிக்கெட் தொடரில் பங்கேற்பதற்காக இந்திய அணி கொழும்பு சென்றடைந்துள்ளது. ஆகஸ்ட் 7 ஆம் தேதி முதல் தொடங்கவுள்ள இந்த முக்கிய தொடருக்கான பயிற்சிகளை இந்திய அணி தீவிரமாக மேற்கொள்ளவுள்ளது. இருப்பினும், தொடக்கத்திலேயே இந்திய அணிக்கு பின்னடைவாக தமிழகத்தைச் சேர்ந்த இளம் இடது கை பேட்ஸ்மேன் சாய் சுதர்சன் காயமடைந்துள்ளார். இதனால் அவர் இந்தியாவிலேயே தங்கி, பெங்களூருவில் உள்ள தேசிய கிரிக்கெட் அகாடமியின் (COE) தீவிர கண்காணிப்பில் குணமடைந்து வருகிறார்.

இலங்கை மண்ணில் சுழற்பந்து வீச்சு முக்கிய பங்கு வகிக்கும் என்பதால், அதற்கு தயாராகும் வகையில் இந்திய அணி ஒரு சிறப்பான திட்டத்தை வகுத்துள்ளது. இதற்காக நான்கு வெவ்வேறு வகையான ஸ்பின்னர்களை நெட் பவுலர்களாக அணி நிர்வாகம் சேர்த்துள்ளது. சுப்மன் கில் தலைமையில் இலங்கை சென்றுள்ள இந்திய அணியில், சாய் சுதர்சனுக்கு பதிலாக மாற்று வீரராக யார் களம் இறங்குவார் என்ற எதிர்பார்ப்பு தற்பொழுது அதிகரித்துள்ளது.