கால்பந்து மைதானத்தில் கோல்களை அடிப்பது மட்டுமல்லாமல், தனது தனிப்பட்ட வாழ்க்கையிலும் செய்திகளில் headlines ஆக இருக்கும் கிறிஸ்டியானோ ரொனால்டோ, தற்போது தனது திருமண செய்தியால் உலகையே திரும்பிப் பார்க்க வைத்துள்ளார். ஜார்ஜினா ரோட்ரிகெஸுடன் 9 ஆண்டுகளாகப் பழகி வரும் ரொனால்டோ, தனது 41-வது வயதில் திருமண வாழ்க்கையில் அடி எடுத்து வைக்கிறார்.

2016 இல் மாட்ரிட் நகரின் குச்சி ஸ்டோரில் ஜார்ஜினாவை ரொனால்டோ முதன்முதலில் சந்தித்தார். தற்போது ஜார்ஜினா ஒரு வெற்றிகரமான மாடல் மற்றும் தொழிலதிபர் ஆவார். இவர்களின் வாழ்க்கை முறையை விளக்கும் 'ஐ அம் ஜார்ஜினா' தொடர் நெட்ஃபிக்ஸ்ஸில் பெரும் வரவேற்பைப் பெற்றது. ரொனால்டோவின் மூத்த மகன் கிறிஸ்டியானோ ஜூனியரின் தாயார் யார் என்பது இன்றும் ரகசியமாகவே உள்ளது.

தற்போது இவர்களின் குடும்பம் ஸ்பெயினின் மல்லோர்காவில் விடுமுறையைக் கழித்து வருகிறது. கடந்த 2022 இல் ஒரு இரட்டை குழந்தையில் ஒரு குழந்தையை இழந்த சோகத்தையும் அவர்கள் கடந்து வந்துள்ளனர். ஆகஸ்ட் 8 அன்று போர்ச்சுகலின் மதீராவில் இந்தத் திருமணம் நடைபெற உள்ளதாகத் தகவல்கள் தெரிவிக்கின்றன.